Заблудата на министерот Никола Попоски е очекувана реакција а тоа што не разбира зошто новинарите протетстирале и барале слобода за Кежаровски е изјава на искрен човек, смета претседателот на ЗНМ, Насер Селмани.
Според Селмани како за Попоски но и за останатите министри нормално е новинар да е во затвор за напишан текст.
Срамната кампања против Кежаровски и смешните објаснувања зошто е во затвор ги пишуваат така наречени новинари вели Селмани.
„Искрен е Никола Попоски, навистина искрен е човекот. Тие мислат дека новинари во затвор е нормално. Според нив новинари нормално е да се пратат во затвор поради објавување на истражувачка сторија. Човекот е искрен треба да му веруваме“, изјави Селмани.
„Мислам дека битката со Кежаровски ја изгубија а нашиот колега плати голема цена но она што е битно а тоа тој сам ќе го каже е дека сите ние бевме со него или најголем дел од колегите“, рече Насер Селмани.