Одобрувањето во македонскиот парламент на уставниот амандман со кој се забрануваат истополови бракови ќе ја зацврсти дискриминацијата во земјата, оценува Амнести интернешенал по усвојувањето на амандманот со кој бракот во Македонија се дефинира како заедница единствено меѓу маж и жена.
„Гласањето е уште еден придонес кон дискриминација, насилство и нетолеранција во Македонија врз база на сексуалната ориентација “, изјави Гаури ван Гулик, заменик директор за Европа во Амнести интернешенал, додавајќи дека Македонија оди спротивно од европскиот бран на легализација на истополови бракови.
Амнести ја повикува Македонија да ги повлече дискриминаторските закони.