Анкетниот лист на Шилегов ги открива тајните извори на финансирање на име на закупнина од имот кој никаде не фигурира. И СДСМ и Петре Шилегов се фатени на дело и затоа наместо да одговорат, лажат, наведува ВМРО-ДПМНЕ во пишаната реакција на соопштението од СДСМ.
– Ако се имотот и приходите на Петре Шилегов чисти, тогаш нека објасни од кој имот тој добива 700 евра закупнина? Ако не се работи за нелегални пари, нека објасни кој имот го поседува неговата сопруга, кога во Агенцијата за катастар на недвижнини нема таков? Тоа што Петре Шилегов молчи и не кажува ни збор за овој скандал во кој длабоко е вмашан, потврдува дека се работи за сомнителни извори на финансирање. Ова е факт што ниту една манипулација на СДСМ нема да го смени, стои во реакцијата на ВМРО-ДПМНЕ.