Интересна идеја за подготовка на риба…
Потребно е:
700 гр лосос
100-200 гр стар бел леб
90 гр + 10 гр путер
1 китка магдонос
1 китка копар
сол и бибер, по вкус
Подготовка:
– Лебот исечете го на мали парченца и ставете ги во блендер да ги иситните убаво. Ако лебот е сеуште мек, ставете го малку во рерна да се потпече на 200 целзиусови степени околу 5 минути. Оставете да се излади и сомелете го во блендер.
– Листовите копар и магдонос исто така убаво сомелете ги во блендер.
– Лебните трошки и иситнетите зачински билки помешајте ги со путерот и со малку сол. Мешајте убаво додека не се врзат сите состојки.
– Лососот убаво измијте го и исушете го со кујнска хартија. Ставете го во тава обложена со хартија за печење. Убаво посипете го со сол и бибер.
– Рибата прекријте ја со смесата од лебни трошки. Одозгора нанесете го и преостанатиот путер (10 г) исечен на тенки ливчиња.
– Ставете да се пече во загреана рерна на 180 целзиусови степени околу 30 минути.
– Послужете со варен ориз или блитва.