Германската канцеларка Ангела Меркел денеска во владината декларација во Бундестагот остро ги осуди исламистичките терористички напади во Париз, во кои загинаа 17 луѓе, ги стави под заштита германските муслимани и укажа на поврзаноста меѓу Берлин и Париз.
– Во Германија нема безбедност, ако истата ја нема и во Франција, истакна Меркел, нагласувајќи ја поврзаноста меѓу двете земји на седницата на која присуствувале и амбасадорите на Франција и Израел.
– Во тешките часови за Париз и Франција стануваше збор за две катастрофи на денешницата, кои не секогаш, но често одат рака под рака – за убиствениот исламистички тероризам и антисемитизмот, омразата кон Евреите, изјави германската канцеларка.
Таа предупреди дека тероризмот нема самиот да исчезне „од денеска до утре“.