Исламистичката група „Ал каеда во исламски Магреб“ ја предупреди Франција дека се изложува на ризик од нови напади, ако продолжи со својата политика „непријателска на исламот“, пренесе БТА.
– Франција ја плаќа денес цената на својата агресија против муслиманите и на непријателската политика кон исламот, соопшти групата во порака, објавена на исламистички сајтови.
– Додека нејзините војници окупираат земји како Мали и Централна Африка и ги бомбардираат нашите луѓе во Сирија и Ирак, и додека нејзиниот глупав печат го сквернави нашиот пророк, Франција ќе го ризикува најлошото, наведува „Ал каеда во исламски Магреб“.