Универзитетскиот професор, Јове Кекеновски, реагираше на својот фејсбук профил, по вчерашното формирање на Граѓанската иницијатива за поддршка на знаењето во високото образование.
ГРАЃАНСКА ИНИЦИЈАТИВА ЗА ПОДДРШКА НА ЗНАЕЊЕТО ВО ВИСОКОТО ОБРАЗОВАНИЕ
Не можеа иницијаторите на ова ,,Граѓанска иницијатива да направат поголема глупост и поголема девалвација на истата.
Прочитајте ја точка број 6: ,,Со оваа иницијатива велиме „НЕ“ за бизнис интересите, профитерите и манипулациите во високото образование. Велиме гласно „НЕ“ за купените дипломи; „НЕ“ за оценките со протекции; „НЕ“ за нелојалната конкуренција во и меѓу факултетите и универзитетите………
А на списокот потпишани или ставени се луѓе кои направија бизнис од образованието, луѓе кои го девалвираа високото образование, луѓе кои за одредена сума на пари доделуваат дипломи, луѓе кои на сомнителен начин се здобиле со тутула доктор на науки, а на уште посомнителен начин со наставно звање. Па јавна тајна е дека кај некои од потписниците на иницијативата преку ноќ се запишуваат нови студенти, а веќе утредента на истите им издаваат дипломи. Јавна тајна е дека со дипломи се здобиле студенти кои воопшти и не знаат каде се наоѓа факултетот од кој ја ,,стекнале” дипломата. И истите тие сега биле против бизнис интересите, против профитерите и манипулациите во образованието. Истите тие сега гласно велат „НЕ“ за купените дипломи; „НЕ“ за оценките со протекции; „НЕ“ за нелојалната конкуренција во и меѓу факултетите и универзитетите……
Алоооооо бреееее дали сте свесни што правите и до кај стигна ова лудило. Се обидувате народот да го направите малоумен и со кратко паметење. Брука невидена и врвен цинизам.