Од 14:15 часот без напојување со електрична енергија ќе биде градот Охрид поточно трансформаторските станици Охрид 1 и Охрид 2, соопшти АД МЕПСО.
Како што соопшти Компанијата, исклучувањето се врши со цел да се изврши планиран зафат на елементи од преносната мрежа со цел да се овозможи доверлива и стабилна работа на електропреносниот систем.
Планирано е интервенцијата да трае најдолго два часа по што Охрид повторно ќе биде вклучен под напон.