Денеска претпладне избувнал пожар во црквата „Св. Атанасиј Велики“ во Богданци, пренесува телевизијата „24 Вести“.
Огнот избувнал во внатрешноста на црквата и за кратко време се проширил на покривната конструкција.
Свештениците и месното население кое дошло на помош успеале да ги спасат сите икони од црквата, но не и останатиот инвентар, кој изгорел.
Во гасењето на пожарот учестувала екипа на гевгелиската противпожарна бригада, а покрај месното население, помогнале и учениците од гиманзијата што се наоѓа во близина.
Причините за избувнувањето на пожарот засега се непознати.