Овие снежни топчиња се прават толку лесно. Преубави мали бомбици на кои сите ќе им се радуваат.
Потребно е:
18 какао колачиња (сендвич колачиња, од какао)
115 гр крем сирење
200 гр бело чоколадо
шарени трошки, за декорација
Подготовка:
– Колачињата ставете ги во сецко и миксајте ги додека да станат како трошки.
– Додадете го крем сирењето и миксајте додека да се оформи смеса.
– Од смесата вадете мали топчиња и од нив направете бомбици. Бомбиците ставете ги во тавче и ставете ги да се оладат во замрзнувач, најмалку 30 минути.
– На пареа, растопете го белото чоколадо со една лажица масло.
– По 30 минути, со помош на две вилушки, брцкајте ги топчињата во белото чоколадо и редете ги во тавче, овој пат обложено со хартија за печење.
– Веднаш, попрскајте ги со шарените трошки.
– Ставете ги во фрижидер за да се стврдне чоколадото.