Во 2013 година бројот на ирегуларните миграциски текови изнесувал околу 1.200 додека во претходната година бил околу 680, што претставува двоен пораст, изјави Соња Божиновска-Петрушевска, раководител на канцеларијата на Меѓународната организација за миграции во Скопје, по денешната „Работилница за судии и јавни обвинители за трговија со луѓе и криумчарење мигранти“, која се одржува по повод Меѓународниот ден на мигрантите, 18 декември.
Таа рече дека е потребна поддршка за обезбедување превод од јазиците на коишто зборуваат овие мигранти, спроведување програми за асистирано доброволно враќање, соодветно адаптирање на прифатните центри, како и натамошно продолжување на соработката во справувањето со ваквите миграциски текови.