Претседателот Ѓорге Иванов денеска ќе се обрати на 67 Генерално собрание на Обединетите нации и треба да се сретне со посредникот на ОН во македонско-грчките разговори за името Метју Нимиц.
Вчера Иванов имаше средба со генералниот секретар на ОН, Бан Ки-мун, на која главна тема била прашањето за името.
Иванов побарал спорот да се води исклучително во рамки предвидени од резолуциите на ОН, Времената спогодба и со почитување на пресудата на Меѓународниот суд на правдата.
Во рамките на заседанието за денеска се најавени обраќањата на грчкиот премиер Самарас, како и на израелскиот премиер Бенјамин Нетанјаху и на палестинскиот претседател Махмуд Абас.