Македонскиот вицепрвак Вардар очекувано славеше победа во дуелот против Борац од Бања Лука во натпревар од регионалната ракометна СЕХА лига.
Вардарци синоќа пред својата публика во СЦ „Јане Сандански“ ја потврдија улогата на фаворити во натпреварот против босанскиот претставник Борац, кој го совладаа со 31:26.
Најефикасен кај црвено-црните беше Стефан Терзиќ со 8 голови, додека Сергеј Горбок и Данил Шишкарев постигна по 6 гола.
Покрај овој натпревар, вчера се одиграа и дуелите: Татран Прешов – ППД Загреб 24:23 и Нексе – Мешков Брест 25:28.
Табела: Вестпрем 30 бодови (10 одиграни натпревари), Вардар 27 (11), ППД Загреб 24 (12), Мешков Брест 21 (9), Татран Прешов 21 (11), Металург 11 (8)…