Српски бизнисмен во Чикаго и понудил на сицилијанската мафија награда од милион евра, да го фати човекот кој го постави знамето на „Голема Албанија“ на беспилотното летало за време на фудбалскиот натпревар, помеѓу Србија и Албанија во Белград.
Неименуваниот бизнисмен чии што родители биле четници за време на Втората светска војна и потоа побегнале во САД, од италијанската мафија бара да му го доведат осомничениот во Чикаго, пренесе српски „Ало“.
Инаку поради инцидентот со знамето дојде до немири на теренот, по што натпреварот беше прекинат, а УЕФА ги казни и двете репрезентации.
Српската полиција се сомнева дека за инцидентот е виновен албанскиот државјанин, триесет и двегодишниот Исмаил Морина, кој што е забележан од безбедносните камери, но неговото моментало живеалиште не е познато. Тој покрај албанска патна исправа има и италијанска, бидејќи како што се наведува живее во Фиренца.
Е. Г.