Земјите-членки на Организацијата за безбедност и соработка во Европа (ОБСЕ) се договорија Германија да биде нејзин претседател во 2016 година, јави ДПА.
Едногласната одлука беше донесена на годишната средба на шефовите на дипломатиите на ОБСЕ во швајцарскиот град Базел, изјавија дипломатски извори.
На средбата Австрија беше избрана да претседава со организацијата во 2017 година.
За време на претседавањето на ОБСЕ оваа година Швајцарија требаше да се занимава со украинската криза во рамки на дејноста на организацијата, меѓу чии членки се Русија и повеќе западни држави.
Се очекува претседателството на Србија идната година да биде внимателно набљудувано, затоа што земјата не само што има блиски односи со Москва, туку и се стреми да се присоедини кон ЕУ.