Романија, Грција, Бугарија и Италија се најкорумпираните држави во Европската унија според глобалниот индекс за корупција во светот на меѓународната организацијата „Транспаренси интернешнл“, која денеска го објави годишниот извештај за состојбата со корупцијата во светот.
Овие четири земји имаат 43 индексни поени во класификацијата, во која нула бодови добиваат најкорумпираните држави, а сто државите без корупција.
На прво место во ЕУ и во светот е Данска со 92 индексни поени. На дното на листата се Северна Кореја и Сомалија со по осум индексни поени.