Неколку камиони на пајак службата вчера доцна во ноќта подигаше автомобили на главната улица во населбата Козле.
Граѓаните се жалат дека автомобилите им ги подигаат од пред куќите, а пајак службата доаѓа навечер тајно и без ротациони светла за предупредување.
Дел од жителите на Козле пријавувале во полиција мислејќи дека некој им ги украл возилата додека не добијат одговор дека возилото им е на платото под железничката станица и за да си го земат треба да платат.
Акцијата на пајак службата ги вознемири граѓаните. Вработените на прашањето зошто им ги подигаат автомобилите од пред домовите одговарале дека така им е наредено без да посочат од кој.
Според тврдењата на жителите уште кога се реконструирала главната улица во Козле им било посочено дека тротоарите не се подигаат намерно и дека ќе ги постават на иста висина како со улицата за да можат да ги паркираат автомобилите.
Едно од прашањата кои ги збуни жителите е што доколу некој им дојде на гости, а единствено место за паркинг е тротоарот пред куќата.