Една жена загина синоќа, а тројца се сметаат за исчезнати во Југозападна Франција како резултат на поплавите, предизвикани од силните бури, изјави министерот за внатрешни работи Бернар Казeнов.
Телото на жената е пронајдено надвор од автомобилот и на брегот на реката, соопштија властите во депарманот Вар. Нејзината ќерка не била пронајдена, и исто така се претпоставува дека загинала.
Спасувачките тимови ја пребараа синоќа реката крај гратчето Ла Лонд во истиот реон по преживеани, откако очевидци соопштија дека возило било однесено од надојдените води.
Поплави, причинети од поројни дождови блокираа вчера 130 деца во две училишта во места во близина до Сен Тропе, Јужна Франција. Децата веројатно ќе ја поминат ноќта во училиштата заедно со наставниците, соопшти префектурата во департманот Вар.
Спасувачите категорично им препорачале на родителите да не се обидуваат да стигнат до блокираниот реон, и ги увериле оти животот на нивните деца не е во опасност.