Штрајкот на пристанишните работици и на вработените во транспортот поради новите мерки за штедење на белгиската Влада денеска го парализираше сообраќајот во Белгија, а особено во второто по големина европско пристаниште, Антверпен.
Штрајкот е дел од планираната серија протести поради плановите на белгиската Влада на десниот центар од следната година да ја зголеми старосната граница за заминување во пензија од 65 на 67 години и да им олесни на работодавачите да ги отпуштаат работниците.
Синдикатите најавија дека слични акции ќе организираат се додека Владата не се откаже од најавените мерки, а за 15 декември е закажан генерален штрајк во цела Белгија.
Вработените во неколку сектори денеска ја прекинаа работата во четири од десет белгиски провинции и значително го блокираа сообраќајот во целата земја, а посебно во пристаништето Антверпен.
Брзата железница меѓу Брисел и Париз исто така е во прекин, а сите поаѓања за Амстердам се целосно откажани.