Провладините медими повикувајќи се на текст на порталот „Курир“ вртат иста тема за тоа дека опозициските медиуми го измислиле есктерното тестирање кое всушност било државен испит.
-Дезинформациите околу тоа дека студентите ќе полагаат екстерно, а не државен испит ги помогнаа и луѓе од опозицијата и организации кои се блиски до Институтот Отворено општество Македонија, а манипулациите продолжуваат понатаму иако од Владата појаснија дека станува збор за концепт на државен испит, а не екстерно.
Поимот екстерно тестирање можеше да се види во сите медиуми, вклучително и тие што сега „сакаат нешто да појаснат“, повеќе од еден месец наназад, но никој од Владата не реагираше се до протестот на студентите.
Пример, Канал 5 информираше за настан со наслов „Почнува дебата за екстерно тестирање на студентите“ уште на 30 октомври каде пишува дека министерот за образование ќе учествува на конференцијата на тема „Екстерно тестирање на студентите: предизвиците и можностите“.
-Екстерно ќе бидат тестирани и студентите. Сите ќе полагаат државен испит. Ќе се унифицираат дипломите и квалитетот на јавните и приватни универзитети. Министерот Адеми најави нови законски измени, кои доколку се прифатат ќе стапат на сила уште следната академска година. Ќе се тестира знаењето и ќе се верифицираат положените испити. Испитот ќе биде во втора и четврта година. Доколку не го положат нема да продолжат со студии и да земат диплома.
– Испитот ќе се спроведува двапати – првиот кога ќе завршат втора година и ќе имаат прашања од сите предмети кои дотогаш ги полагале, и по четврта година со базен прашања од трета и четврта година, пренесе Сител изјава од министерот за образование.
И самиот министер за образование ден по протестот говори за „екстерно тестирање“ во првиот дел од неговата изјава, а потоа за државен испит.
За екстерно пишуваа и други медиуми блиски до власта.