Претседателот на Демокртската унија за интеграции Али Ахмети упати писмо со сочувство по повод смртта на Петрит Бушати, албанскиот амбасадор во Македонија.
– Почитувано семејство Бушати, со длабока тага ја примив веста за заминувањето од овој живот на дипломатот и патриотот Петрит Бушати.
Дозволете ми во име на сите нас при Демократската Унија за Интеграција како и во мое лично име да го изразам нашето најискрено сочувство за ова голема загува за семејството Бушати и албанската дипломатија.
Амбасадорот Бушати и неговото семејство, посебно неговата мајка Дрита, ги запознав уште многу рано, во времето кога извршувавме активности во длабока илегала и имавме целосна поддршка од семејството Бушати. Едно родољубиво и патриотско семејство кое заслужува голема благодарност од сите нас бидејќи има дадено голем придонес за поддршка на активностите за слободата и независноста на Косово и општо за албанците во поранешна Југославија, се вели во писмото со сочувство од Ахмети
Сочувствуваме, се додава, со болката на семејството и на сите нивни пријатели кои го ценат високо придонесот на амбасадорот Бушати и неговото семејство, јас длабоко во мене ќе ги чувам спомените за нашите тешки дни кога семејниот дом на Бушати ни овозможи поддршка и утеха.
