Државната руска телевизија во емисијата „Вести на неделата“ известувајќи за привременото ослободување од Хашкиот трибунал, на лидерот на Српската радикална партија, наведе дека Воислав Шешељ, „патриотот“ се вратил „непокорен и нескршен“.
Нарекувајќи го најпознат политички затвореник во Европа, известувачот од Белград наведе дека неговите приврзаници го пречекале со вистински овации. Тој оцени и дека грандиозниот митинг по повод неговото пристигнување во главниот град на С рбија е еден од најмасовните во последните години.
-Неколку десетици илјади лица од кои многумина носеа и руски знамиња, извикуваа пароли за единство на Србија и Русија – наведе рускиот известувач.
Во извештајот се вели дека Шешељ ја основал партијата, која што ги обединила патриотите во државата и се додава дека крвавата драма во Украина го вознемирила српскиот патриот.
Инаку Шешељ во интервјуто за руската телевизија рече дека кризата во Украина ја измислиле САД и дека со Киев управуваат нацисти, западни агенти чии што татковци порано му служеле на Хитлер и убивале луѓе.
Тој наведе и дека СРС, смета дека Крим е дел од Русија, како што Косово е дел од Србија, но и дека неговата партија се залага за интеграција со Русија.
Е. Г.