Германскиот министер за надворешни работи Франк Валтер Штајмајер денеска изјави дека е сериозна ситуацијата во источните региони на Украина, контролирани од проруските бунтовници.
Тој наведе дека сите страни треба да го почитуваат примирјето постигнато во Минск.
– За жал ситуацијата повторно е сериозна. Сметам дека треба да ги повикам сите вмешани страни во конфликтот, како и руската страна да се вратат на обврските преземени со Договорот од Минск, посочи Штајмајер на прес-конференцијата во Астана, Казахстан.