Општина Куманово за зимското одржување на улиците ќе одвои 13 милиони и 900 илјади денари, информираат од одделението за јавни набавки од општина Куманово. Тендерот е завршен и избрани се две приватни компании од Куманово и од Скопје.
– За пофункционално одржување во периодот, градот поделен е на две зони источна и западна зона.Фирмата од Скопје ќе ја одржува источната страна, додека кумановската е задолжена за западниот дел од градот, изјави раководителот на одделението за јавни набавки, Дарко Станојковски.
Фирмите во овој период се подготвуваат за стартот на сезоната.Овие средства се доволни за тековно оддржување на улиците во периодот од 15 ноември до 15 мар, информираат од сектрот за урбанизам од општина Куманово. Како што соопштија од ресорниот сектор, фирмите ја поседуваат потребната механизација за зимско оддржување на улиците, дел од нив приспособени и за тесните улици од централното градско подрачје.
– Двете фирми располагаат со залиха од 100 тони сол.Овие количини се определени како неопходни за првите врнежи од снег.Пред почетокот на сезоната,ќе извршиме контрола на фирмите, вели помошникот раководител на секторот за урбанизам,Момчило Јовановски.
