Дали Тодоров отишол да закаже преглед преку Мој термин? Дали чекал по ходниците?Дали ги видел изморените лица на болните пред вратите? Дали ги видел испотените лица на лекарите и медицинскиот персонал, притиснати меѓу лошите услови за работа, обемната административна процедура и својата етичка должност?
Со такви прашања се огласи СДСМ, реагирајќи на реакцијата на Министерството за здравство на прес конференцијата на Гоце Чакаровски од СДСМ.
„Министерот Никола Тодоров не се грижи низ што поминуваме ние граѓаните во земјава, во лавиринтот Мој термин. Затоа Тодоров го оправдува владиниот неуспешен концепт Мој термин со наводни пофалби од странство. Ако само на едно од овие прашања одговорот беше „Да“, Никола Тодоров денеска немаше да прати реакција, туку извинување до нас граѓаните и до вработените во здравството“, порачува СДСМ.