Делегации на Сојузот на независните социјалдемократи (СНСД) и на Хравтската демократска заедница (ХДЗ БиХ) денеска во Мостар се договорија двете партии да бидат главнината на власта на државно ниво во Босна и Хервефовина и да соработуваат во воспоставувањето на власта на ниво на ентитетите и кантоните.
– Клучните прашања се решени, сега треба да се профилира претставникот на Бошњаците, изјави претседателот на СНСД, Милорад Додик, веднаш по средбата во Мостар.
Додик нагласи дека партнерството меѓу ХДЗ БиХ и СНСД трае долги години и дека ќе продолжи и во иднина, изразувајќи уверување дека соработката ќе биде воспоставена и на ентитетско и на кантонално ниво.
Тој најави и дека утре во Зворник СНСД ќе склучи договор за формирање на власта во Република Српска со коалициските партнери, Социјалистичката партија (СП) и Демократскиот народен сојуз (ДНС),
Лидерот на Хрватите во БиХ, Драган Човиќ, од своја страна, изјави дека ХДЗ БиХ, СНСД. како и третата, бошњачка, победничка партија – Партијата за демократска акција (СДА), ќе ја сочинуваат власта на сите нивоа, потсетувајќи дека вчера веќе разговарал со лидерот на СДА, Бакир Изетбеговиќ.
И Додик и Човиќ сметаат дека власта на сите нивоа ќе биде формирана во што е можно поскоро време и тоа на ниво на РС и во кантоните до крајот на ноември, а на ниво на БиХ до крајот на годината.