Сопственикот на Формула 1, Берни Еклстон, соопшти дека екипите на Катархем и Марусија нема да се натпреваруваат на трката за Големата награда на САД, пренесе Макфакс.
„Ниту една од овие две екипи нема да оди во Америка“, потврдил Еклстон за агенцијата Ројтерс.
Британскиот тим Катерхем се наоѓа во стечај, додека рускиот тим Марусија покрај финансиските проблеми со кои се соочува е погоден од тешката несреќа на својот возач Жил Бјанки, кој сè уште се наоѓа во кома по тешките повреди на главата со кои се здоби на трката за ГН на Јапонија.