ВМРО-ДПМНЕ денеска преку соопштение го осуди инцидентот во кој беше демолиран објектот Дамар и беа нападнати недолжни граѓани во старата Скопска чаршија.
– ВМРО-ДПМНЕ не се согласува, не поддржува и осудува секаков чин на насилство, насилнчко однесување и агресија. За нас ваквото однесување е незрело, неодговорно и срамно, се вели во соопштението.
Од партијата ги повикуваат институциите на системот во најбрз можен рок да го расветлат случајот и виновниците да ги изведат пред лицето на правдата.
– Во таа насока апелираме настанот да не се злопотребува во ниту еден конктекст, со цел поефикасно да се утврди вистинската позадина и откријат сторителите на овој настан, се додава во соопштението од ВМРО-ДПМНЕ.