Почна имунизацијата против сезонски грип во Куманово, набавени се 1.500 дози, информираат надлежните од Центарот. Оваа количина речиси е идентнична како и претходните години и ги опфаќа шестте општини од североисточниот регион.
– Интересот за имунизација е исклучително висок. Ги повикуваме лицата од ризичните групи како што се хронично болните, лицата со кардиоваскуларни заболувања, заболени од дијабет, со намален имунитет, навреме да се вакцинираат, изјави доктор Јадранка Стаменковска, епидемиолог од Центарот за јавно здравје.
Општ лекарски преглед е задолжителен и се спроведува непосредно пред да се прими вакцината.
– Ако лицата имаат акутни инфективни заболувања, тогаш имунзацијата се одложува, објаснува доктор Стаменковска.
Центарот за јавно здравје ќе работи секој работен ден и во сабота. Минатата година, соопштуваат надлежните, вакцина примиле 1.500 граѓани од кои најголем процент се од повозрасната популација.
Цената и оваа година е 400 денари, а лицата кои денеска се вакцинираа, велат дека се задоволни од ефектите.
Имунизацијата против грип се спроведува во октовмри и ноември, објаснуваат лекарите, поради навремено стекнување отпорност на организмот пред сезоната на грип.