Американскиот претседател Барак Обама и Генералниот секретар на ОН Бан Ки-мун изразија согласност дека меѓународната заедница мора да ги зајакне напорите за справување со еболата, соопшти Белата куќа.
Обама и Бан истакнале дека меѓународната заедница мора да ги зголеми напроите и решително да пристапи кон решавање на кризата.
Според американскиот претседател земјите членки на ОН треба да го поддржат апелот на организацијата и обезбедат персонал и опрема неопходни за справување со епидемијата.
Истиот став е изнесен и во одвоен телефонски разговор меѓу Обама и францускиот претседател Франсоа Оланд. Двајцата претседатели истакнале дека е неопходно зголемување на мобилизацијата на меѓународната заедница и Европската унија, во блиска соработка со ОН, Светската здравствена организација и заинтересираните држави, се наведува во сопштението на канцеларијата на францускиот претседател.
Од Ебола годинава загинаа над 4.000 луѓе, а најтешко погодени се африканските држави Гвинеја, Либерија и Сиера Леоне.