Хотелот „Супер 8“ во кој престојуваше Британецот кој вчера почина на Инфктивната клиника во Скопје, за кој постои сомнение дека бил заболен од ебола и денеска е под карантин.
На гостите и вработените кои имале контакт со починатиот забранет им е излез од хотелот. А таму е и медицински тим од лекар, епидемиолог и медицинска сестра што се грижат за лицата кои се под карантин.
Утрово се беше нормално пред и околу хотелот. Метеж на автобуската постројка кај Мавровка, која беше преполна со граѓани кои ги вршеа своите тековни работи. Единстевно што укажуваше дека нешто се случило во овој хотел беше зголеменото полициско обезбедување пред хотелот, кое не дозволуваше минувачи да се доближат до влезот.
