Претседателот на Демократската унија за интеграција Али Ахмети денеска во Тирана беше примен од претседателот на Република Албанија, Бујар Нишани.
Како што е наведено во соопштението од ДУИ, Нишани високо го оценил придонесот на Ахмети и албанците во Македонија во сите достигнувања на нацијата, изразувајќи благодарност на официјална Тирана.
Нишани и Ахмети разговарале и за инфраструктурното поврзување и економската соработка меѓу двете држави, евроатланската интеграција, прашањето за името и се согласиле да продолжат со блиската комуникација за заедничко добро.
Ахмети го информирал Нишани за политичките случувања во Македонија со посебен акцент на потребата за надминување на прашањето за името кое, како што се наведува во соопштението, не држи далеку Европската унија и НАТО.
