Лоши временски услови и најавениот тајфун „Фанфон“ се потенцијална опасност за неделната трка за Големата награда на Јапонија во Формула 1.
ФИА (Светска автомобилистичка федерација) ја следи ситуацијата бидејќи според временските прогнози, в недела тајфунот би требало да го „погоди“ токму регионот каде се наоѓа патеката „Сузука“.
Постојат неколку варијанти трката да биде откажана, да биде поместен стартот или да се вози порано, се зависи од тоа во кој правец ќе се движи тајфунот.
Стартот на трката е предвиден во 8 часот в недела наутро по македонско време.
Пред 10 години тајфун ги одложи квалификациите од сабота за недела наутро непосредно пред трката откако организаторите процениле дека условите биле опасни.
На двата денешни тренинзи најдобри времиња имаа возачите на Мерцедес, Нико Розберг (прв тренинг) и Луис Хамилтон (втор тренинг).