Младите на СДММ во Куманово денеска го поминаа денот во Домот за стари лица “Зафир Сајто“.
Денешната посета по повод 1-ви Октомври, Меѓународниот ден на постарите лица, е со цел да испрати порака дека не постојат граници во возраста кога станува збор за меѓусебното почитување.
Со слатки и низ друштвени игри гостите и домаќините разговараа за младоста, за животот, за мудроста.
-Оваа наша посета е потсетување кон општеството дека и вие сте дел од нашето секојдневие и дека не само на овој ден, туку секојдневно треба да посветуваме внимание и грижа кон вашите потреби, што утре ќе бидат потреби на секој од нас, рече Емил Ташевски, член на ИО на СДММ Куманово.
