Mинистерот за земјоделство Љупчо Димовски коментирајќи го неприфаќањето на измените на Законот за земјоделство и рурален развој ја обвини опозицијата.
„Имаше толкава загриженост за распределбата на субвенциите, така што се претпоставуваше дека ќе се добие поддршка за донесување на измените на Законот за земјоделство и рурален развој. Токму во тој закон се дефинираше распределбата на субвенции за одредена категорија на земјоделци“, рече Димовски.
Според него, земјоделците се обесправени и им е скратена можноста да добијат до 120.000 денари помош и бесплатно државно земјоделско земјиште за социјалните случаи. Со овој закон, меѓу другото, е предложено зголемување до 20 отсто на субвенциите за регистрираните земјоделци.
Но министерот немаше одговор зошто за законот не гласаа коалициските партнери ДУИ и 16 пратеника од ВМРО-ДПМНЕ, меѓу нив и координаторот Бонева, потоа Димовски, Ѓорчев, Китановски, Саздов.
Новинарите упорно прашуваа зошто ДУИ не гласаше, а министерот упорно говореше за опозицијата. Повеќе од видеото.