СДСМ и после поразот со 200.000 гласови разлика не успева да научи дека граѓаните очекуваат од политичките партии многу работа и резултати, а не празни зборови, наведува ВМРО-ДПМНЕ во реакцијата на прес-конференцијата на портпаролот на опозициската партија Петре Шилегов.
– Прес – конференцијата на Петре Шилегов од СДСМ е полн со невистини и манипулативни искази. Да беше точно тоа што Шилегов денеска го зборуваше сигурно дека СДСМ ќе победеше со 200.000 гласови на последните парламентарни избори, а не како што се случи да ги изгуби изборите со истата разлика, се посочува во соопштението од ВМРО-ДПМНЕ.
СДСМ, како што се наведува, избегнува да се соочи со реалноста и избегнува реално да погледне на состојбите.
– Очигледно СДСМ не може и не знае како да се спротиставни на начинот на работа на ВМРО-ДПМНЕ. Ние сме постојано ангажирани на подобрување во сите области, отворени сме кон граѓаните, одговорно постапувме спрема интересите на државата и посветено работиме без прекин, стои во соопштението од ВМРО-ДПМНЕ.