ВМРО-ДПМНЕ порача дека реакцијата на СДСМ на анкетата што ја направил ИРИ е само уште еден доказ за неспособноста да ги увидат своите грешки.
„Соопштението на СДСМ во врска со анкетите од Интернационалниот Републикански Институт (ИРИ) е само уште еден доказ за бегство од реалноста и неможноста грешките да ги побараат и увидат во себе, па ги бараат во сите други“, посочува владејачката партија.
ВМРО-ДПМНЕ прашува зошто, пак, за СДСМ биле релевантни „анкетите на Ѓорѓи Спасов“.
„Овој пат на СДСМ Американците им се виновни што направиле ваква анкета, па веднаш побрзаа да ја прогласат анкетата за нерелевантна.Дали предизборните анкетите на Ѓорѓи Спасов беа релевантни за СДСМ и како тие веруваа на анкетите на Ѓорѓи Спасов ако се смета дека и тие се правени во хибриден режим? Сметаме дека има дел од луѓето во СДСМ кој се срами и се смее на ова денешно соопштение кое покажува дека раководството во таа партија не е во реалноста, туку е некаде далеку во вселената“, порачува владејачката партија.
