Европската унија е подготвена повторно да изгради доверба со Русија и ги укине санкциите, ако се постигне напредок во решавањето на конфликтот во Источна Украина, изјави синоќа во Њујорк претседателот на Европскиот совет Херман ван Ромпуј.
Ромпуј на седница на Генералното собрание на ОН изјави дека е неопходно да се обезбеди напредок во мировниот процес постигнат во Минск, додавајќи дека е неопходно сите страни да го почитуваат прекинот на огнот и го следат мировниот план.
Западните санкции кон Русија не се цел сами по себе и може да бидат ревидирани ако постои видлив напредок, изјави претседателот на Европскиот совет.
Ромпуј го повика Киев одлучно да го следи патот на реформите, а самите економски, политички и уставни реформи ќе го одредат успехот на трајното политичко решение.