До крајот на годината ќе бидат отворени 14 нови градинки

Од:

Четиринаесет нови градинки ќе бидат отворени до крајот на годинава во 13 општини во земјава. Со нивното профункционирање, од кои дел од нив ќе бидат готови и во септември, ќе се зголеми капацитетот на сместување деца во државните детски градинки за 750.

Ова го соопшти владиниот портпарол Александар Ѓорѓиев на денешната прес-конференција, кој рече дека вредноста на инвестицијата е еден милион евра.

Нови градинки ќе дoбијат Дојран, Демир Капија, Василево, Босилово, Моноспитовo, кочанско Оризари, Истибања, Карбинци, Могорче и скопските Ѓорче Петров, Кисела Вода и Сарај.

Дел од овие градинки се нови објекти, дел се проширување на постоечките капацитети и дел се адаптација на простории во други објекти од образовен карактер.

Средствата, како што соопшти Ѓорѓиев, се обезбедени заеднички од Владата и локалната самоуправа.

Тој најави дека Владата, согласно потребите, во иднина годишно ќе се отвораат 10 нови градинки.

Би можело да ве интересира

Муцунски: Ќе се залагам за градење и одржување силни и цврсти односи со сите значајни меѓународни партнери

A1on

Љутков: Очекувам гласање за новата влада во Собранието околу 20 или 22 јуни

A1on

Во вторник во Собрание ќе биде доставен составот на новата влада

Течат роковите за формирање на новата влада која ќе има 20 министерства

Мицкоски мандатар за состав на влада

Мицкоски го добива мандатот, ќе формира влада во нов формат