„Владата очигледно е неспособна самата да го открие изворот на листеријата. Помина премногу време, згаснаа човечки животи. СДСМ бара владата веднаш да ангажира реномирана странска експертиза и итно да се открие изворот на бактеријата со што ќе се спречи понатамошно губење на човечки животи.
Несериозно е однесувањето на надлежните државни институции кои со месеци не се способни да одговорат кој е изворот на опасната листерија.
Згаснатите човечки животи алармираат на максимална сериозност и објаснување на клучните прашања на кои се уште нема одговори?
Над граѓаните на Македонија постојано виси сомнежот и стравот поради опасната бактерија и не знаат што смеат, а што не смеат да јадат. Со месеци надлежните немаат дадено конкретен одговор.
Фалбите на министерот Никола Тодоров за реформи во здравството, модерна технологија лаборатории, паднаа во вода. Кривичната пријава за непознат сторител проблемот не го реши.
Апелираме Владата да го прифати предлогот на СДСМ. Се работи за граѓаните, нивното здравје, нивниот живот“, се вели во соопштението на СДСМ.