На граничниот премин Богородица времето на задржување е 30 минути, а на останатите гранични премини нема подолги задржувања за влез и за излез од државата.
Оваа информација, соопшти денеска АМСМ, се однесува само за македонската страна на премините.
Инаку, сообраќајот на сите државни патишта во Македонија се одвива без забрани, по наместа влажни коловози. Се препорачува внимателно возење, прилагодена брзина на движење и почитување на поставената сообраќајна сигнализација.
Интензитетот на сообраќај на патните правци надвор од градските средини е зголемен.
Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.