Визуелното познавање на Хераклеа се врзува со изразот на лицата од мермерните и камените скулптури и ретките фотографии од минатото.
Проектот „Хераклеа – антички центар на модата“ е приказна во 10 епизоди за боите, материјалите и костимите од пред 20 века, посочуваат од битолската телевизија „Тера“ и Студио „Микс“, реализитори на проектот.
„Хераклеа-антички центар на модата“ настрана ја става секоја претстава за животот на Хераклеа како живот блед, без сјај и конвенционален, напротив тој ги гледа мештанитена Хераклеа и нивната уметност во услови на боја и форма полна со живот, велат организаторите на овој културен настан, составен дел на годинешниот „БитФест“.
– Чувствувајќи ја потребата цивилизациски да се приближиме до периодот од пред 20 века, понудивме приказна за материјалите и боите, за декоративните елементи, за костимите кај мажите, жените и децата, за оклопите на војниците но и за религиозните костими, информираа оранизаторите на проектот „Хераклеа – антички центар на модата“ кој наскоро ќе има и телевизиска промоција.