Албанскиот претседател Бујар Нишани утре доаѓа во Охрид, на средба со неговиот македонски колега Ѓорѓе Иванов.
Средбата според информации на А1 ќе биде неформална, иако предвидени се и изјави за медиумите по завршувањето на средбата во вилата Биљана во Охрид.
Нишани доаѓа во период кога во Македонија владее политичка криза и несогласувања помеѓу партнерите во владината коалиција ВМРО- ДПМНЕ и ДУИ. Нема информации дали причина за доаѓањето на албанскиот претседател во земјава е токму тоа, и дали тој утре ќе има средби и со претставници на албанските политички партии во Македонија.
Не се знае на чие барање е средбата која се случува во еден исклучително интересен политички период во Македонија и кога точно Нишани пристигнува во Охрид, иако средбата со Иванов е предвидена се уште неофицијално за 13 часот.
Мики Трајковски