Тинејџер во Источен Непал изврши самоубиство откако неговиот омилен тим, репрезентацијата на Бразил, беше катастрофално поразена од Германија во полуфиналниот натпревар од Светското првенство во фудбал, соопшти денеска полицијата.
Во соопштението се наведува дека тинејџерот бил во депресија и се обесил во својот дом во селото Бараул, околу 400 километри источно од престолнината Катманду.
Мајката на момчето, Праџа Тапа, го пронашла телото на синот. Тој живеел со мајката и со бабата и дедото, а таткото работел во странство.
Полицијата соопшти дека во тек е истрага и оти ќе биде извршена обдукција.
Бразил изгуби од Германија со резултат 1:7.