Германија и врати на Грција над 10.000 артефакти, кои нелегално биле изнесени од земјата од страна на нацистите за време на Втората светска војна, објави грчкиот весник „Етнос“.
Вратени се 10.600 предмети, глинени садови и инструменти од неолитот, кои биле откриени при нелегалните ископувања во 1941 година.
Целта на германските археолози тогаш била да ја докажат теоријата дека северните народи се појавиле во реонот на Грција во праисториската епоха и оти тие биле предци на Грците.