Израелската војска ја урна куќата на Палестинецот Зиад Авад, уапсен овој месец за убиство на еден полициски офицер во април, соопшти воениот портпарол Петер Лернер.
Тој рече дека уривањето е метод на заплашување, а израелски медиуми наведуваат дека Авад е припадник на Хамас и оти е пуштен од израелскиот затвор во 2011 година, во рамки на размената на палестински затвореници за киднапираниот израелски војник Гилад Шалит.
– Извршувањето на наредбата за уривање на служи да се заплаши и да пренесе сериозно предупредување на терористите и нивните соучесници дека нивните акции ќе сносат сериозни последици, рече портпаролот.
Во понеделникот израелскиот Висок суд ја одби жалбата на израелската организација за човекови права на одлуката на армијата да се урне куќата во селото Идна, во близина на Хеброн на Западниот брег.