Високи претставници на Хезболах денеска најавија дека бројот на убиени борци во изминатата година може да достигне неколку илјади.
Според информациите добиени од извори блиски до операциите на Хезболах, бројот на загинати борци би можел да биде до 4.000, што е повеќе од десет пати повеќе од бројот на оние кои загинале за време на едномесечната војна со Израел во 2006 година, објави „Тајмс оф Израел“.
Либанските власти соопштија дека досега во тековните судири загинале околу 3.800 луѓе, но без да прецизираат дали станува збор за борци или цивили.