Селекторот на САД Јирген Клинсман е уверен дека неговите избраници ќе играат во финалето на Мундијалот во Бразил. Тој им рече на семејствата на американските репрезентативци да не вадат авионски билети за дома пред 14 или 15 јули.
– Ни рече дека до тогаш ќе бидеме во Бразил. Толку многу верува во овој тим, толку е позитивен. Ако сме сите такви сигурно ќе останеме тука уште некое време, истакна одбранбениот играч на САД Омар Гонзалес.
Американците утре од 22 часот против Белгија ќе го играат последниот дуел од осминафиналната фаза на Светското првенство.