Фудбалскиот сојуз на Уругвај размислува да го бојкотира натпреварот против Колумбија од 1/8 финалето на Светското првенство, поради казната на нивниот репрезентативец Луис Суарез.
Веднаш по инцидентот со гризнувањето на Џорџо Кјелини, Уругвајците застанаа во одбрана на Суарез, тврдејќи дека се работи за местенка од европските противници во групата Англија и Италија.
– Целата земја му дава поддршка на Суарез. Тој е жртва на монтирани и обработени фотографии од нашите противници во групата кои сакаат да ни се одмаздат за нивната елиминација. Едвај дочекаа шанса да не обвинат, соопштуваат од таборот на уругвајската репрезентација.
Сепак притисоците не помогнаа ФИФА да му прогледа низ прсти на уругвајскиот напаѓач и денеска му изрече казан од четиримесечна суспензија од секакви фудбалски активности и забрана за настап на девет репрезентативни натпревари.