Грција со гол од пенал на Андонис Самарас во 93 минута оствари победа од 2:1 над Брегот на Слоновата Коска и со тоа се пласира во осминафиналет од светското првенство.
Грците први дојдоа до предност преку Самарис. Потоа Бони го постигна толку посакуваниот погодок за „Слоновите“ за 1:1.
Во финишот Самарас најпрвин искусно изнуди пенал, потоа самиот беше прецизен од белата точка и овозможи историски успех – Грција за прв пат во историјата ќе игра во едно мундијалско осминафинале.
Оваа селекција има шанси за уште поголем успех, со оглед на фактот дека ривал во следната рунда ќе и биде селекцијата на Костарика, сигурно најпосакуваниот противник од сите оние што досега обезбедија пласман во следната фаза.